أنا آسف

اسف انا في حبي لك تسرعت
ظنيت الاقي فيك شين فقته
كنت احسبك مجروح مثل تولعت
جربت فرقا شخص قلبك وهبته
كنت احسبك من مر جرحك تجرعت
حبيت فيك احساس طفل لمحته
لو قلت (اه) بوصط روحي توجعت
لو شفت دمعاتك شعوري سكبته
لو تطلب عيوني ابد ماتمنعت
واعطيك قلبي لو بعد ما طلبته
وصلت بك اعلى مكان وتربعت
وفي قلبي غيري يالغضي ما وصلته
واصبر على صدك واشوفك تدلعت
واعطيك (ود) ما اظنك حسبته
اذهلتني بطباعك اللي تطبعت
حتى قصيدي فيك ابد ما فهمته
لو كان غيتك حروفي فانا بعت
وافرج بجر الشاعر اللي جرحته
وارجوك من صدك تراني تشبعت
خلك على اللي عاجبك وعجبته
يكفي قهر في جيتي لك تواضعت
تركت غيرك لجل عينك وبعته
ياليتني عن حب مثلك ترفعت
ياليت قلبي قبل اعرفك دفنته
لكن اببعد دامني بك توهقت
الله يرحم حبنا اللي ذبحته
انا شريت الود والحين انا بعت
وانا عطيتك قلبي اللي قهرته
في يوم جيتك اطلبك ود واقنعت
نفسي بانك شخص عادي عرفته
كمل حياتك مثل ما انا توقعت
تبقى اسير الماضي اللي فرضته
لا يحزنك اني غلاطان وتراجعت
حولك بدلك الف شخصن عجبته
اما انا لا يمكن اخضع ولا طعت
يحرم علي اعطيك قلبن خذلته
باريحك من شوفتي يوم قاطعت
اسلوبك اللي به تجامل كرهته
غلطان يالمقي انا ما تبعت
غيري يتابع خطوتي ماتبعته
ما ينحني راسي لوني تقطعت
وماهو انا من لا رميته لقطته
وان كان غرك حكي عذالي وطعت
الله يعلم كيف قلبي سكنته
اللي ملا قلبك عليك وتسمعت
خله يعوض شخص مثلي خسرته
انا بما فيه الكفايه تولعت
واللي بقا من قلب فيني حرقته
باول لقا سلمته احساسي وضعت
غلطت حياتي يوم قلبي سلبته
واستسمحلي فالبعد كاني تراجعت
معاد ابلقى فيك شين فقدته
طبعك مثل غيرك وطبعي كما كنت
احب شخصن لا تركته تركته
وان شفتني صدفه بعينك تطلعت
ذكرتني بنسان غالي فقدته