لاردك الله

موضوع: لاردك الله السبت مايو 01, 2010 5:13 pm

لا ردّك الله لا ولا اطلـب تـرديـن
أدعي عليـك بعثـرةٍ فـي صلاتـي

عثره تشلـك مـا بعدهـا تقوميـن
يا قاتلتنـي يـوم صرتـي حياتـي

خدّان لـك بالقلـب كانـت بساتيـن
وريضان وغصـونٍ بهـا يانعاتـي

كانت تروح الروح ساعة تروحيـن
وتعاف نفسـي شربهـا والمقاتـي

وكنتي مناة القلب والـروح والعيـن
واليـوم عينـك يعلهـا مـا تباتـي

كنت احسبك للحب والعهـد توفيـن
قلتي الغدر بالحب ما هـو سواتـي

وحلفتي يمين الله مـا منـك ثنتيـن
وانـك مـلاكٍ دون كـل البنـاتـي

وانك على عهـد المـوده تسيريـن
ولا تسمعين أهل الحسد والوشاتـي

وصار اليمين ستار خلفـه تواريـن
ورماح غدرك بالخفـى مشرعاتـي

ويومن رسمتي في خفوقي نياشيـن
سقتـي علـيّ رماحـك الخايناتـي

وبان الغدر سمٍ جـرى بالشراييـن
الله عسـى يسقيـك سـم الفعاتـي

كلي سقيتك حـب واليـوم تنسيـن
تقولين حلـم ايـام واليـوم فاتـي

خذتي الهوى لعبه على مـا تحبيـن
يلين عصفـت بالهـوى عاصفاتـي

من زينك يا بنـت بالشعـر تزييـن
مـن جملـك ببياتـه الطايـلاتـي

أنا من غرامي قلت كانـك تذكريـن
قلت الخجل صاب البدر مـن مناتـي

وصرتي بشعري في العذارىتباهيـن
تقولين أنا شمس العصرفي حلاتـي

زينتّك بشعـري ولا قربـك الزيـن
ما زانتك صبغـات حمـر الشفاتـي

بالشعر صوّرتك خـزام ورياحييـن
وانتي هضاب وشوك ما به هداتـي

وبالشعر غلّيتّك علـى كـل غاليـن
واثـرك دنيّـه تعشقيـن الدنـاتـي

حسبتك أصيله من قروم وشياهيـن
واثرك خليـط رخومهـا والحداتـي

رسمتك سحابة خيـر قطـرٍ تنفيـن
فزت لك الصحـرا زهـور ونباتـي

رسمتـك مهـاةٍ للجميلـه تقوديـن
واثرك خـروفٍ ضيّعتهـا الرعاتـي

واثرك غرابٍ يـوم سـدل جناحيـن
كنت احسب اني شايفن لـي قطاتـي

لولا قصيدي فيك وش عاد تسويـن
يا قمله انحشـرت بشعـر الشياتـي

وبالشعر عاتبتـك عتـاب المحبيـن
أنا من يسوم الروح لاجلـك غناتـي

توسلتلك خايف على حـب عاميـن
عامين لكن فـي حسابـي مئاتـي

ناديت لكـن لـي ابـدا ماتسمعيـن
عمري وروحي فكـري فـي ثباتـي

حذراك للشينـات عمـري تماشيـن
عديمات أصـل أخلاقهـن دانياتـي

غاب الوَلي عنهن ولعبـن بحبليـن
يا خـس واليهـن وخـس الولاتـي

ما همهن في الناس زينٍ ولا شيـن
وقلوبهن مـن حقدهـن مضلماتـي

وقلتي وربك لـو يكونـن ملاييـن
ما غيّرَن باطباعهن مـن سماتـي

تحسبيـن أنـك للمهافـاة ترقيـن
كيـف الصعـود يكـون للهاوياتـي

وصرتي مثل غيرك برخصٍ تبيعيـن
يا مرخصتنـي مـا بقالـك غلاتـي

وخنتي وبعتي كـل عهـد وأياميـن
ماعاد يفرق بيـن ماضـي وآتـي

والنوق من تخرس فلايفيـد تمريـن
ما يفيدها قلصٍ وضـرب العصاتـي

ومع ناقةٍ خرسـا تكلفـت سنتيـن
فـلا لانـت بشـدّه ولا بالهـداتـي

صبري نفذ واليوم ثـارت براكييـن
مظلوم انـا وباكـر تحـل دعواتـي

سمعي عسى من بعدها ما تسمعين
سمعي دعا من صار قلبه حصاتـي

أدعي عسى من ناظرك ما تشوفيين
وتطحن بك الأيـام طحـن الرحاتـي

وعساك عوقٍ منه ما عـاد تبريـن
عـوقٍ تشافقلـه قلـوب ا لعداتـي

ويالله عسى يحتار فيـك المداوييـن
تبين الممـات ولا يجيـك المماتـي

ويالله عسي كـف النـدام تعضيـن
تندمين يـوم انـه يفـوت الفواتـي

وتبكين دم يسيل من مقلـة العيـن
وتحتار أمك مـن عنـاك وتحاتـي

عسى ما تلاقي من له القلب تهديـن
وان هو حصل أدعي عساك الشتاتي

يا بلوّة اللي وسـط بيتـه تعيشيـن
ساهي وحوله شب جمـر الغضاتـي

عسى بعمرك ساعـةٍ مـا تهنيـن
وتمضي حياتك بيـن هـم وشقاتـي

يا بنت قلبـي ويـن مثلـه تلاقيـن
قلبٍ عطاك الحب مـا قـال هاتـي

جيتك وروحي شلتهـا لـك بكفيـن
وفي التاليه رمح الخيانـه جزاتـي

الله عسـاك النـار يـا أم وجهيـن
كلّه انكشـف لا مـا تفيـد العباتـي

ويالله عسى تلبسك جن وشياطييـن
وتكونين مدعاة الحكـي والشماتـي

والله مانـي منتظـر قلبـك يلـيـن
والمقبـلات اكثـر مـن الفايتاتـي

ولا عادتي أتبـع ضعـون المقّفيـن
ريـحٍ تشـل ضعونـك المقفياتـي

ويا ليلةٍ ظلمـا علـى الله تزوليـن
وتاتـي ليالـي سعدنـا مشرقاتـي

ويا حيـةٍ رقطـى تقـود الثعابيـن
باكـر تحـل ايامـك المعتمـاتـي

وباكر على فعلـك بمثلـه تجازيـن
ظلم المشاعر ما تحكمـه قضاتـي

بيني وبينـك تحكـم ايـام وسنيـن
وانا شاهدي قلبٍ من الغـدر ماتـي

لوكان غدرك في كفـوف الميازيـن
لكـان رجـح كـل غـدر البناتـي

ويا دمعـة التمسـاح لا لا تذرفيـن
العيـون رغـم دموعهـا كاذباتـي

لا ما عرفتي الحب لا مـا تحسيـن
وغدرك تعدى غـدر ذيـب الفلاتـي

الذيب يعوي قبـل يغـدر بمسكيـن
وانتي غدرتي خافقـي فـي سباتـي

انتي السبب سقتي على القلب جرحين
غـدر الغـرام وموجـع الذكرياتـي

وانتي السبب واليـوم لا لا تلوميـن
وان جاك باكر شوفي شلـون ياتـي

مانساه ظلامي ولا انسى له الديـن
لين الممات وبعـد نشـر الرفاتـي

ويا ظالمه نفسك ترى الدهر يوميـن
يومن نجاة ويـوم مـا بـه نجاتـي

والله لاكتب وافضحك فـي دواويـن
وارقص واغني يوم خبـر الوفاتـي

وارسم لأهل العشق قلبٍ وسهميـن
وقصة خيانه مـا روتهـا الرواتـي

ويمين لاكتب فوق أسمـك عناويـن
واشهرك من قاصي اليمن للفراتـي

ومن غرب هالدنيا إلى قاصي الصين
ديـوان غـدرٍ فيـه كـل اللغاتـي

والبادي اظلم سنـة العيـن بالعيـن
ولاّ فـذي لا عادتـي ولا صفـاتـي

ويـا شبـه أنسانـه براسٍ ورجليـن
أعـوذ بالرحمـان منـك بصلاتـي

موضوع: رد: لاردك الله السبت مايو 01, 2010 5:29 pm

ههههههههههههههههههههههههههه

بصراحه اقرأواضحك مافي دعوه ماقالها اهب ياوجهه

مسكين مقهور وحاقد حيل

يعطيك العافيه

موضوع: رد: لاردك الله الأحد مايو 02, 2010 1:40 pm

باين عليه شايف كثير ياعيني لاتلومينه ..

أشكر لك تواجدك ..

» جزاه الله
» الدعوات عن رسول الله‎
» ياخلاني سقا الله مشاعرنا القديمه
» أستغفر الله وأتوب إليه..
» ,,لك,الله,ضقت,من,نفسي,ولا,ابغى,الناس,واللمة,,