خــيانة

موضوع: خــيانة السبت أبريل 17, 2010 3:05 pm

خيانه وانتهت اخر سوالف عشقي المجنون
سوالف عشق ياما الناس قالتها وعادتها
حكوا عني وحكوا عنها وعن الحب ملا هالكون
وصاروا يحلفون بحبنا وصدقي وطيبتها
وكم واحد تمنى لوخذا من لون حبي لون
وكم وحده تمنت لوتشابهنا حكايتها
انا وياها كنا حلم بالمعنى وبالمضمون
لكل اثنين قصه حبهم تعلن بدايتها
وفي الليله بكى فيها الوفا من ظهره المطعون
بدايتها جروحي والوفا مات ابنهايتها
في ذيك الليله كان اهون علي احيا بدون اعيون
ولا اشوف الي شفته من حبيبه قلبي ساعتها
بعيني شفتها وياه تضحك له واهو مفتون
سعادتها في قربه تشبه في قربي سعادتها
واهو طاير ابفرحه ولايدري بأنها تخون
يمكن يدري وساكت ولاتهمه حقيقتها
ابعيني شفتها ماهو حكي واشي وخيال وضنون
بعيني ليت عيني عمرها مايوم حبتها
وقفت لسان حالي تقول ليه ومن متى واشلون
عسى ألقى سبب واحد يبرر لي خيانتها
وادور للجريمه ثغره في كل مذهب وقانون
لكني عجزت ألقى عذر يغفر لي جريمتها
خيانتها عطت حجه لكل الي يبي يخونون
ومن هالليله كل خاين يتعذر ابقصتها

أرق تحياتي

موضوع: رد: خــيانة السبت أبريل 17, 2010 3:11 pm

خيانتها عطت حجه لكل الي يبي يخونون
ومن هالليله كل خاين يتعذر ابقصتها

بقدر عمق الخيانه والامها الا انها تفتح طريقا جديدا دائما للانسان تجعله يرى الناس بصوره واضحه
وتعلمه ان لايثق في احد ولايستسلم للحزن ايضا

يعطيك العافيه

موضوع: رد: خــيانة السبت أبريل 17, 2010 3:55 pm

(تفتح طريقا جديدا )...

ناتج الخيانة ليس دائماً بذلك السوء الذي نتصوره قد يكون في كثير من الأحيان خيره من الله ..

إحترامي للآرائك الرائعه..