قلتُ لكِ سابق ( أنتي أميرة ) لكن للأسف كاذب .. (أنتي حقيرة )‎

قلتُ لكِ سابق ( أنتي أميرة ) لكن للأسف كاذب .. (أنتي حقيرة )

يا غبّية

ماهوَ ذنبي إن كنتِ غبيّة ..!؟

ماهوَ ذنبي إنكِ جداً عاطفيه ..!؟

إن فتحتي لي أبوابَ الغرام .!

إن صدقّتي ماقلته مِنْ كلام

إن كنتُ فارسَ أحلامكِ في المنام ..!

من هنا نبدأ تفاصيل القضّية ..

...

أنا رَجل .. وأنت ِ أمرأة .. وبيننا إنجذاب ..

ولا يسيئُ منّا الأدب .. غير من أمِن َ العقاب ..

فإن معي تكلّمتي

وإبتسمتي وضحكتي

وبابٌ للشيطانِ فتحتي

سأجُبرك على فتح عشرين باب

...

لا أعرفك .. ولم اسمع صوتك .. ولم أراك

وأوهمٌتكْ بإني احبك ْ..وأعشقكْ وأهواكْ ..

وأني بكِ هائم ومفتون

وإنّ حُبكِ اصابني بالجنون

وإنّ إجمل لحظاتي عندما اكون معاك ..

...

ملكتك ..

حتى أصبحتِ كثيرة التفكير

أقنعتك ..

بإني في هواكِ أسير

إلى أن وصلت ْإلى مُرادي وانتهيتْ
ورحلتُ عن عالمكِ المحدود وإختفيت

وتركتُ رسالة بها إعتراف خطير

...

قلتُ لكِ سابق ( أنتي أميرة )

لكن للأسف كاذب .. (أنتي حقيرة )

خنتِ نفسك ..!!

خنتِ أهلك ..!!

وأصبحتِ بعد عزّك كسيره

..

ياغبيّة ..

يا أجمل ضحّية ..

تدرين ماهو اساسَ القضيّة ..!

لو قطعتي حبلَ الحبُ بدري

قبل الشيطان في الدم يسري ..

كان في لحظتها أسميتك

الفتاة الذكيّه

الموضوع على لسان أحد الذئاب البشرية
هي قصة من نسج خيال الكاتب لكنها
حدثت كثيرا للاسف بنفس الطريقة او بإخرى !!

البداية :

كنت اشاهد أحد القنوات الغنائية ( الشات تحديداً )

لقيت ثلاثة شباب ( يستهبلون على بنت ) .. بسبب ميولها الرياضي

فأرسلت على القناة ( وأترييق على الشباب ) ..

وبأنها موب رجولة إن الواحد يفرد عضلاته على بنت !!

يعني عشانها لحالها .. وضعيفه ..!!

...

وصار بيننا مشادة بالحكي ...

فأرسلت رقمي ( بطريقه مشفرّه ) ..

وقلت لهم ..

اللي في راس امّه خير .. يتصل ويقابلني ..

( طبعا أنا كل هدفي إني اكسب إعجاب البنت )

ولا أرسلت رقمي عشان نتهاوش ..

بالعكس ..

أرسلته عشان تشوفه البنت وتاخذه وتحفظه عندها ..

......

(بعد ثلاثة أيام )

جتني رسالة على الجوال .. :

السلام عليكم ( انا فلانه )

ياليت تضيفني عندك على المسن ..

وياليت ماتتصل على الجوال هذا ابد ..

....

أضفتها ..

وجلست أكلّمها شوي ..

ثم جلست تشكرني على مداخلتي وعلى شجاعتي ..

وإستاذنت وقالت برب أنا مشغوله ..

...

جلست اسبوعين ماكلمّتني ولا كلمّتها ..

لكنّها متصّله ..بس ما نسولف ..

يوم من الأيام مسكت معي غلط ..

ودخلت عليها ( محادثه ) ..

وسألتها .. ليه ماتسولف .. هل هي مشغوله ..؟

قالت :

إنها ماتعودّت تسولف مع رجال ..

لكّنها اضافتني لأني كبرت بعينها بعد اللي صار ذاك اليوم ..

وبدأت السوالف بيننا .. وطاحت الميانه وكسرت البنت الخوف

فإن معي تكلمتي
وإبتسمتي وضحكتي

وباب للشيطان فتحتي

سأجبرك على فتح عشرين باب
....
طبعاً ( انا كــ/ ولد )

كلمّت اكثر من عشرين بنت ..

والعشرين كلهم يقولون نفس الكلام ( إنه أول مرّه يكلمون ولد )

وعشان كذا ماصدّقتها ..

وأرسلت لها اغنيه ( ) < ملف تجسس

والغبّيه فتحته ..

فدخلت على جهازها .. وشفت صورها ..

وأخذت أكثر من صوره ( لها ) ..

...

لكن الصوره مالها أي قيمه ..

إذا ماعرفت اسمها ووين ساكنه ..!!؟

..

عشان كذا ..

ارسلت رقمها ( لواحد في الإتصالات ) ..

عشان يعلمّني بأسمها ...

لكن الرقم كان ( بأسم هندي ) ...

فما عندي خيار .. إلا اني اخذه من البنت نفسها ( بطريقتي الخاصه )

فشرعت بقول أجمل الكلام لها ..

وبأنها مختلفه عن بقّية البنات ..

وإني بديت أحبّها .. لأسلوبها ولطريقة كلامها والخ

لا أعرفك .. ولم اسمع صوتك .. ولم أراك

وأوهمتك بإني احبك ..وأعشقك وأهواك ..
وأني بكِ هائم ومفتون
وإن حبكِ اصابني بالجنون

وأن إجمل لحظاتي عندما اكون معاك ..

.....

بعد فترة ..

تعلّقت بي ..

أقدر اقول اني سحرتها .. وملكتها ..

فطلبت منها الزواج .. فوافقت ..

أخذت اسم ابوها .. واسم جدها .. واسم ابو جدها والعائلة

بحجّة إني راح اسأل عنهم ...

وعشان اذا جيت أخطبك وسألني ابوك

أكون عارف عنكم كل شي

...

ارسلت اسم ابوها الى صديقي في الإتصالات ..

وعطاني رقمه .. ورقم اثنين من عياله ( اللي هم اخوانها )

...

فاتصّلت على جوالها ..

ماردّت علي << لأنها رافضه السوالف على الجوال

فأرسلت لها ..

ضروووووووري ( اسمعيني ولا تتكلمين )

..

اتصلت مره ثانيه .. وردّت علي

وسكتت .. ولا تكلّمت

...

قلت لها ..

رقم ابوك كذا وكذا وكذا وكذا

ورقم اخوك فلان كذا وكذا وكذا وكذا

ورقم اخوك الثاني كذا وكذا وكذا وكذا ..

ورقمك انت ( مايحتاج اقولك من وين جبته ) !!!

وعندي لك اكثر من صوره بالجهاز

وانتي لابسه الفستان القصير باللون الأبيض ..

وصدقيني لو ماتسّوين اللي ابيه انا ..

راح اتصل على ابوك ..

وعلى اخوانك ..

وراح اقولهم اسمك ورقمك وارسلهم صورك ..

عشان يتفاهمون معك صح ( ويمكن يذبحونك )

تدرون وش صار ..؟ < الكلام موجّه لكم يا الأعضاء

اتوقّع ان الصوره هذي معبّره

ملكتك ..

حتى أصبحتِ كثيرة التفكير
أقنعتك ..
بإني في هواكِ أسير

إلى أن وصلت إلى مرادي وانتهيت

ورحلتُ عن عالمك المحدود وإختفيت

...

بعد ما انتهيت ..

التفت لي وقالت :

انت قلت اني غير البنات كلّهم ..

انت قلت انك تحبّني موت .. وإنك راح تتزوجني ..

فكان جوابي لها ..

قلت لك سابق ( أنتي أميرة )

لكن للأسف كاذب .. أنتي حقيرة
خنتِ نفسك ..!!
خنتِ أهلك ..!!

وأصبحتِ بعد عزّك كسيره

إنتهت القصة

أهم النقاط

* إلى متى والبنات ينخدعن بإسم الحب ؟
* محادثة الرجل والمرأه من خلال الماسنجر ( هل يعتبر صحيح ام خطأ ) ؟
* هل تعتقدون ان الفتاة التي في القصة غبية ؟

ملاحظة

يمكن البعض يقول ( إن القضية هذي مستهلكه ) وتكلّم الناس عنها كثير

لكن صدقوني ...!!

كل يوم يطلع جيل من البنات ( يكونون ضحية الحب )

موضوع رووووعه

عجبني بصراحه

معك حق بكل كلمه

والله هالمشكله ما اظن بتنحل بس الناس تقدر تصلح حالها وما اظن المشكله بتحل نفسها

يسلمووو

خـآطر فز ..

واللهي موضوع طيب لنقاش

انا برآيي من الغباء انه يوصل الكلام بينهم في المسن إلى هذا الحد

والمفروض ان البنت بالاخص تدـآرك الموضوع قبل لا تصير لهـآ مصايب وهوـآيل ؟؟

يعني من اللمكن يعني انا اوآفق ان البنت تكلم رجل شرآت ما قلت بالمسن بنسبة 10%

ولكن بحدود .. وآدب -> مش قلت آدب يعني

ولك الشكر ع الطروحـآت الهـآدفة ..ولي بـآك ان لزم الامر اكيد

صمتي غ ـرور: شاكر ومقدر هالمرور ..

ŝ6ξēm: أوافقك تماماً ... وأقدر تواجدك العطر .. وربي يحفظك أنتي وبنات جيلك كلهم ..

كل الشــــكر ..

آآآآآآخ ... وصلني هذا الموضوع كإيميل

بس صراحتن نزل دمعتي بقوة

انه بفترة من حياتي يمكن قبل سنتين بس او ثلاث
من اول ما بدت حياتي المسنجرية

كنت كل من هب ودب اكلمه على المسن
وعادي وكنت اتعلق بهم بقوة
وكل شي اخبرهم

وكان كل شاب اكلمه والله كل شاب
بعد اقل من اسبوع يقولي

قطوة انه بقولج شي بس مادري من وين ابدأ
انه ... انه .. بقولها وخلاص وفهميني انه احبج
والله كلهم نفس الطريقة
البحريني والسعودي والاماراتي << إلي صدف وكلمتهم

كلهم نفس الشي

وانه ماقول جذي عشان اجهر بمعصيتي
لا لا ابداً

انه كنت غبية وخفيفة واستحي من هالشي والله
بس اقوله عشان اكون عبرة وافيد غيري

سوالف المسن مع الشباب ما اخرتها غير الضياع
في شباب طيب ويمكن يحب صج في اكيد في

لكن الطيبين نادر ما يكلمونج !!!!!
يعني غباااء إن البنت تكلم شاب والله غباء

انه اللحين بعد ثلاث سنين من تجارب هبلة
بديت اضحك على بنات مدرستي وصديقاتي
وقت تيي بنت الصف تصيح
تقول تهاوشت مع حبيبي او ما كلمت حبيبي امس

وبالفعل كل بنت تكلم هي حقيرة إلا مارحم الله

والله يهديني ويهدي الجميع
وعسى ربي يسامح التائبات ويثبتهم على دينهم
ويحمي العفيفات ويبعدهم عن هذا الطريج

الف شكر على الطرح الرائع

мişş.g∂ωα :أحييك على شجاعتك وحبك للخير هو دافعك القوي وص\قيني مو بس أنتي كفتاة كثير أيضاً من الذكور يبدأون جهلاء ويتعلمون من الذئاب التي تفسد كل شي في هذه الحياة ..

تسلمي ويسلمك ربي من كل مكروره ..

إحترامي لشخصك الكريم ..

خاطر تعودنا منك على الاهتمام بالمرأه وقضاياها
وانا سوف ارد هنا بهذه الابيات للشافعي

عفوا تعف نساءكم في المحْرَمِ ****وتجنبـوا مـالا يليق بمسلـم

إن الزنـا دين إذا أقرضــته **** كان الوفا من أهل بيتك فاعلم

من يزنِ في قوم بألفي درهم **** في أهله يُـزنى بربـع الدرهم

من يزنِ يُزنَ به ولو بجـداره **** إن كنت يا هذا لبيباً فـافهـم

ياهاتكا حُـرَمَ الرجال وتابعـا** طرق الفسـاد عشت غيرَ مكرم

لو كنت حُراً من سلالة ماجـدٍ** ما كنت هتـّـاكاً لحرمة مسلمِ

=====
لك مني كل الاحترام
يعطيك العافيه

لو كنت حُراً من سلالة ماجـدٍ** ما كنت هتـّـاكاً لحرمة مسلمِ

السموه

أشكر لك تواجد المفيد ..

كل الشكر..

» للأسف نست اني ع الخط . . . وسمعت كل شـي ,, ~ !!
» للأسف لا يشرفني الإستمرار معكم..