الغياب

موضوع: الغياب الإثنين مارس 22, 2010 12:44 pm

ليه اهز الغصن لرياح الغياب *** وتساقط من مشاويري دروب
شف سموم القيظ تزفرني عذاب *** والحياه اسباب واحلام وعيوب
من متى و الوقت يقراني كتاب *** والحكي لازان بلساني يذوب
كثر الله خير جرحي والزهاب *** وحاجتن للملح تملاني ذنوب
جيت برمي هالفرح في كل باب *** واعتراني من عنا وقتي شحوب
وكل نسمه لاذوت في جذع غاب *** تستبيح لمهجتي بسمه واتوب
ايه ياوجه المداين لاتهاب *** لحف اهدابك سماء ارض وشعوب
قبل ينسف هالمدى موج العباب *** كنت اشوفك دمعتين وكم ثوب
اشملت لك ضيقتي قبل الركاب *** واحتريتك لين مللت الجنوب
لاتحسب الدمع لحظات انسكاب *** آه ما اقسى القل في عيون مغلوب
انتحي بك وصل واقفي بك سراب *** خايف القسوه تجي عكس القلوب
ضعت في من الوله والوجد شاب *** لا تسمي صدتك مزحة لعوب
طعت فيك الدمع واشعلته وذاب *** وانت تنحرني على جمر الغروب
ماعلى التربه من اعناق السحاب *** ان تردم او يسوقنه هبوب
المحبه شهد نحل وسم داب *** عشتها من كل فج ومن كل صوب
والعزيز ان شاف احلامه ضباب *** وقام فكره في متاهاته يجوب
حطها مابين ضرس وبين ناب *** وصد عزه ماي بصدت هروب
ودامني ما اقفيت عن وجه الحراب *** من طعني بالقفا ظهري ينوب

موضوع: رد: الغياب الإثنين مارس 22, 2010 1:00 pm

المحبه شهد نحل وسم داب *** عشتها من كل فج ومن كل صوب
والعزيز ان شاف احلامه ضباب *** وقام فكره في متاهاته يجوب
حطها مابين ضرس وبين ناب *** وصد عزه ماي بصدت هروب
ودامني ما اقفيت عن وجه الحراب *** من طعني بالقفا ظهري ينوب

فعلاهي شهد نحل وسم داب
نص جداجداجدا اعجبني

تراك انت اللي بديت ها النوع من الشعر لاتلومني مافي احلى منه

يعطيك العافيه

موضوع: رد: الغياب الإثنين مارس 22, 2010 4:09 pm

تسلمين ...

وانت لاتجارين في قصائد أبداً..

مهما تذوقت شعرياً ..