ماصار شي

موضوع: ماصار شي السبت مارس 13, 2010 5:29 pm

ماصار شي .. وهو بقى بالغلا شي
............ اصلاً أمانينا .. مثل حبة الكوع

ذبحت حي : ولا بقى بداخلي حي
.......... واطفيت .. في ريح الجفا باقي شموع

ماهي حكاية يوم .. يومين لو ذي
.......... ماكان تخنقني : ولو كانت اسبوع

الا سنين : البعد . والهم . والغي
......... من دون وصلك .. صارت حيام وشنوع

هذه مراتيع الغلا .. عاثها الطي
......... ورياح هجرك .. زادها قسوة طبوع

كان الوفا . مايخلف الا لي الكي
.......... انا ترى جسمي من وسومك فروع

هذه الهدايا والصور .. كانها لي
............ خذها .. ترى ماعاد انا ناقص دموع

واليا نصيتك لجلها : طالبك عي
.......... القلب عكس العقل . والحب مرفوع

أنا شبعت الحزن . وافراحك شوي
........... الى متى .. وانا معك سايرً طوع

اسهرت عيني في لياليك والضي
......... كذب ليال امالنا وصرت مفجوع

كنت احسبك غيمه وانا اقول لك هي
......... تشبهك!! لكن بينك وبينها شوع

والحين مع شمس الحقايق تبي الفي
.......... صعبه نعيش العمر .. ودروبنا جوع

انا جمعت الشوق في كلتا أيدي
.......... وانا استحق الجرح .. لاصار فاروع

ذنبي عطيتك شي .. ماتستحق شي
......... وذنبك .. اخذت الشي من دون مرجوع

رائعة الاخت أنثى القمر (أميـــــــرة ) ..

موضوع: رد: ماصار شي السبت مارس 13, 2010 5:59 pm

طرح طيب واختيار .. فن منك ..

ينقل إلى الشريآن الدآفق ..

ولا تحرمينـآ روعة الطرح

دمت بخير

موضوع: رد: ماصار شي الأحد مارس 14, 2010 12:28 pm

تسلمين ع دفئ كلماتك المتعود عليه والمحفز لبذل المزيد ..

كل الشكر والتقدير ..

موضوع: رد: ماصار شي الأحد مارس 14, 2010 12:58 pm

ذنبي عطيتك شي .. ماتستحق شي
......... وذنبك .. اخذت الشي من دون مرجوع

فعلا رائعه هذه الكلمات

يعطيك العافيه

موضوع: رد: ماصار شي الأحد مارس 14, 2010 4:42 pm

الله يعافيك ويسمنك ..عفوا يسلمك ..

مقدر هذا التواجد مامي ..