قصيدة تشرح إنقلش

قوم جورج وجون وعيونهم زغر & مـا تعـرف لترجمتهـم بالكـلام

عنـدهـم الأم سمـوهـا مــذر & والأبـو فـذر قليليـن الـرحـام

والمـرأه فيميـل والميـل الذكـر & وأختك السستر وترى البوي الغلام

والبدي جسمك وباك اسم الظهـر & واليدين الهنـدز والفنقـر ابهـام

والغنم هي شيـب والكـاو البقـر & واللحم هو مييت والبـون العظـام

والدجاجه هـن والهـوك الصقـر & والبجن قالوا تراه اسـم الحمـام

وشمس ربي صنوالمون القمـر & والشهر سموه منثوييـر عـام

والدقيقـه منـت والسـاعـة أور & وهولـدي عطلـة وديوتـي دوام

والبـرد الخبـز والسكـر شكـر & والعسل هانيوسوب اسم اليـدام

والشجـر تريـز والنهـر الرفـر & والسماء اسكاي واكلـود الغمـام

والنجوم استارز والطقس الـوذر & والضو لايت ودارك اسم الظـلام

وكلمة فلور تـرى تعنـي الزهـر & وكل عشب قراص لو انه ارمـام

وكل غرفه روم و البلس القصـر & وباب بيتك دور والروف الطمـام

ولو علـى بلدانهـم دايـم مطـر & ما تساوي ديـرة العـرب الكـرام

لالالالاما نقدر على الانقلش يامثقف المنتدى

ترى نضيع وننسى العربي

والله اللي كتبها مبدع وملم للكثير من الامور في قصيدته

طرح فكاهي ومفيد وجميل في نفس الوقت

يعطيك العافيه

حاولي يعني خذي اللي تحتاجينه وإتركي الباقي ..

سعيد بطلتك ..

» قصيدة شاب راح يخطب بنت عمه