تندمين العمـر كلـه .. أو .. يأنّبْـك الضميـر

افرضي اني طلعت وكنت متنرفز كثير ,,
ورحت من عندك مضيع في الأماكن والجهات

بعد ما اشتد الخلاف بوضعنا واصبح مثير,,
قلت اهدي والعن الشيطان واطلع في سكات

اتجهت .. سايقٍ سيارتي عكس المسيـــر,,
وصار لي (حــادث) ومت .. وخبروكـ: فلان مات

علميني عندهــا بالله وش ممكن يصير ..؟
لو عرفتــي من عقب زعلتك فارقـــت الحيـاة

تلطمين خدودكـ .. تشقين ثوبــكـ مايضير ,,
دامك تلومين نفســكـ بعد مافات الفوات

ليه ماقلتي لي: اقعـــد والزعل ملعون صير؟,,
ووالله ماتطلع كذا بأعصاب مافيها ثبات

ليه خليتيني امشي حالتي حاله ضرير ؟
ولايعني كان حبكـ .. حب انانيه وذات!

وليه انا من بعد كنت الشخص الأول والأخير ,,
في حياتــكـ وبسهوله صرت مثل الذكريات

والله ان تبطين وانتي ماعلى شفتك غير ,,
اسمي المكتوب ضمن اوراق تقرير الوفاة

تندمين العمر كـله ..او.. يأنبك الضمــير ,,
مافرقت مادمت ماضي في ملفاتكـ..وفــات

بس يبقى ذنبي برقبتكـ وانا الصب الأسير ,,
اللي كبلني غرامك والوفا والتضحيات.

جربي الدنيا بدوني كيف واقعها مــرير,,
وكيف لاعزوكـ فيني وصرت قدامكـ رفـات

تدركين بوقتها معنى العبوس القمطرير ,,
وتشعرين انك يتيمه اهل واخوان وخوات

وتذكريني وتذكرين الشعر .. وانسام العبير
والعطر.والورد.والبوم الصور .والأغنيات

والسوالف . والغنا .واهدائنا عبر الأثير ,,
والإضاءه الخافته .. والليل ..واحلى الأمنيات

والرسايل ..والشموع اللي في مأوانا تنير ,,
والمجلات القديمه .والكتب . والملزمــات

والهدايا من قطع ألماس وعطور وحرير ,,
والأثــاث اللي خذا حمرته من لون الشفاة

والبحر .والصيف .والشاليـــه .واللبس القصير ,,
والشتا ..واحضـــانك اللي غير كل المدفئات

والأجــازه. والسفــر .والعيد .والمطر الغزير ,,
والمقــاهي. والمطاعم. والطرق. والتمشيات

واسمــي اللي مخزن بجوالــكـ (البانــدا الصغيـــر).
اجمل الأحساس ..لكـن ..مات ياست البنات,

ذكريات تحاصرت من كل صوب وتستثير ,,
دمعتـكـ في كل غمضه.. وانتباه..وإلتفات

عن حكـايه حب في هالوقت منقطع النظير
حب يكـرم عن ردى الشهوه..ألسنه الوشاة

حب مدري ويش بكتب عنـه؟..لكنه كبير ,,
اكبر من احساس اصدق شاب مع اوفى فتاة,

بس.. لاتبكين ..يبقى كل ماقلته نذير ,,
وافتـرض لـكل مايمـــكن حــــدوثه لي وآت

لجل ذلـكـ فكري وش هي النهايه والمصير .؟
(كلها حفره وجمع من الملا .. عقب الصلاة)

والله الدنيا ماتسوى نزعل الغالين..مير
ساعه الضيق يتعكر صفو الأنفس والذوات

ليش اجـــل مانستغل الوقت دام احنا بخير ؟
وليش مانرضي حبايبنا..ويلتم الشتات

يعني لازم ننتظـر ؟والواقع ايامه تطير
واحنا ماندري نبات الليل ..ولا مانبات ..

العشير . اصلا يحز بنفسه يزعل عشير
الله اكبر كيف ماحزت بنفسك هالسوات

يوم شفتينيي طلعت ووضعي النفسي خطير ,,
وقتهـا.. اشدراك يمكن موتتي حانت وجات؟

فأحرصي دايم علي , ولاتغيضيني كثير ,,
واذكري دايم شعوركـ لادريتي وقيــــل : ماات ؟

×××××××××××××××××××

اتمـــنى انها نالت اعجابكم ,,

كمــا نالت على اعجابي الشديد ...

نـآالت آعجـآبي

ورآق لي ما اخترتيه لنـآ يالسموه

قصيدة قمة في الروعة

وان شاء الله محد يزعل حد ولا يزعل من حد ..

والله يديم المحبة بين الجميع ولا يحرمهم من بعض

وان شاء الله محد يذووق مرارت الندم ..

تشكرين ع الطرح الطيب

دمتي بخير

ŝ6ξēm كتب:: نـآالت آعجـآبي

ورآق لي ما اخترتيه لنـآ يالسموه

قصيدة قمة في الروعة

وان شاء الله محد يزعل حد ولا يزعل من حد ..

والله يديم المحبة بين الجميع ولا يحرمهم من بعض

وان شاء الله محد يذووق مرارت الندم ..

تشكرين ع الطرح الطيب

دمتي بخير

ان شاء الله ما نذوقها يارب
مشكوره على المرورويعطيك العافيه